Bursdagsfest x 2

Det er nok litt lenge sidan eg har oppdatert bloggen, men here we go...

Eg vart tjue-sytten år 8. juni, og den dagen var det 1. pinsedag og dermed fridag dagen etterpå. Det passa veldig bra synes eg. Flaks.

Rune hadde ein jobb i Ålesund på laurdagen, og eg var med og budde på hotell ei natt. Dagen før besøkte vi svigermor, men laurdagen tilbringte eg i gatene i byen, og kosa meg der. Med litt shopping, så var eg klar for å møte Elisabeth på kvelden i Ålebyen.

Gullhår venta på Elisabeth, tittande ut det lille vindauget frå hotellrommet.

Og Elisabeth kom, du kan sjå ho nede i gata der.

Vi gikk ut på ein pub og fekk snakka og hadde det kjempekjekt til kl 23.30.

Då vart eg att der aleine, og fekk midnattsklokkeslaget til min bursdag for meg sjølv. Det var faktisk veldig greitt!

Når Rune kom att ut på natta, så hadde eg sovna. Men dagen etterpå fekk eg verdens godast bursdagsklem, og vi pakka oss ihop og køyrde heim til Volda.

Vi skulle feire meg der vi! :) Det var nydeleg varmt i været, og sol.

Vel heime i Volda fekk eg nydelege roser og sjampanje av Rune, og vi sette oss ut på balkongen. Sola hadde forsvunne, men det var nydeleg varmt likevel. Då er det heilt greitt å sete der.

Men når vi skulle starte grillinga byrja det å regne nokre få dråpar. Og jammen blei det berre meir og meir!! Rune måtte fram med paraplyen! Men det verste var når det pøsa skikkeleg, og takrennene ikkje tok unna, og det flauma over rett over der Rune stod!! Han blei klissvåt og iskald, men etter ein dusj, så fekk vi sete under markisa ute og spise den gode grillmaten!

Men etter måltidet gjekk vi innatt i stova og fortsette kvelden der. :)

Men helga etterpå kom solskinnet igjen, og mine to bestaste venninner, Anne og Elisbeth! 

 

Rune stilte opp som kokk, og serverte utsøkt grillmat som vi spiste oss gode og mette på.

Då var det godt med Alice-sommar-drink etterpå!

 

Dette var nydelege cupcakes, om eg skal få sei det sjølv. Sjokolade med vaniljekrem inni, og med smørkrem med god smak av bringbær og sitron. Mmmmm!!!

 

Det var ein kjempekjekk bursdagsfest, der vi feire bursdagane til alle tre, sidan vi ikkje hadde feira oss ilag før. Gleda meg allereie til neste gong vi møtast!