Når barna flytter ut

Dei to søstrene er no for lengst flytta ut. Som fostermamma så var det utruleg trist, men også litt godt! Dei budde ute i innhegning i 2 veker før dei var klare til å bli heilt fri. (Eller, før fostermamma var heilt klar er vel rettare) 

Dei kom tilbake både første og andre natta, men etterkvart vart det lenger og lenger mellom kvar gong dei gjorde det. Så dei har nok funne "Villsvinet" som bur i hagen frå før og kanskje gått på tur/omvisning med han.
Men dei er innom av og til og et mat heldigvis. Håper dei busett seg i hagen i vinter.

Vesle, tøffe Blondie, med turkis neglelakk på ryggen

Tjukke, gode Punky med rosa neglelakk på ryggen

Tenk dei har vore sååå små:

 

Når dei omsider var ute av innhegninga, og eg sendte eit anna inne-pinnsvin (50 Cent) til Ålesund, så kom der 4 nye store pinnsvin som skulle bu i innhegninga.

6 stk nylaga pinnsvinhus

4 nye pinnsvin skal flytte inn (eller ut)

 

Og dagen etter kom der ein liten gutt frå Hornindal, igjen.

Så då vart det 4 ute- og 1 innepinnsvin igjen da.

Snorre Sprett heiter han som er inne, og han var ein vilter fyr. Men han var sjuk, av lungeorm... Så han fekk medisinar og var svært sjuk medan han sakte men sikkert vart betre og betre.
Han vart vår lille trøst når søstrene hadde reist. Ein skikkelig godgut.

Dei 4 ute var Ålesundingar. Dei har vore i fosterheimar der. Men ein av dei er ein gamal kjenning av meg, Trulsen! Åååå, søte, gode og snille Trulsen!! Han var også veldig sjuk medan han var i pleie hos meg som bitteliten tidlegare på seinsommaren. Men han vart frisk og har blitt stor og tjukk hos fostermor i Ålesund.
Kan tru det vart gjensynsglede fra første fostermamma si side!

Trulsen

Jonas 

Vilde (som sov her)
 

Kjempen PinnePinPin

I skrivande stund er desse 4 også sett fri, så no er der 7 pinnsvin i hagen og området rundt, og dei kjem kvar natt for å spise mat og drikke vatn i matboda (putekassa)

Nokre overnattar i husa sine, medan andre overnattar andre stader rundt omkring.
Det begynner bli kaldt om natta, så merkar at dei er sjeldnare og sjeldnare på besøk. Dei har nok funne seg ein vinterdvaleplass.


Dessutan har Snorre Sprett fått seg ein stebror, Televimsen. Televimsen er ein Volding, og han hadde flått og mageparasittar. Dette har han fått medisin for, men er så hardt angrepet at etter 2 veker er han på ein ny medisin. No håper eg han blir bra att i magen og blir litt piggare.
Nydelig, hissig og litt vimsete fyr.

Her har Televimsen blitt stelt og plukka rein for flått. Berre 4-5 stk.

Snorre Sprett har fått tilbakefall av lungeormen, så han er på kur nr 2 mot det. Lungeorm er faktisk utruleg vanleg hos spesielt haustpinnsvin. Tenk deg å puste gjennom et sugerør som er fullt i orm?! Stakkars gode små vennane... No skal ALT vekk!!!

Her har Snorre Sprett gått rundt på kjøkkengolvet, men la seg inntil magen min og sovna!

Så hos The Rotevatns går det i pinnsvin. Som vanleg. No berre matar eg dei ute kvar dag i skumringstida, men dei inne får medisinar, stell, mat og drikke. Og litt trim på golvet og mykje kjærleik og omtanke. Så håper eg dei to gutane blir friske dei også, og at dei blir tjukke og store slik at dei kan gå i dvale om ein månads tid.
Kvar dei skal bu er litt usikkert enno. Anten må dei plasserast "på stall" hos ein hjelpar i Ålesundområdet, ellers må eg "stalle dei" sjølv. Det kan no bli ei ny utfordring.

Men no merkar eg (og Rune) at det er nok pinnsvin ei lita stund. Kjekt når dei er friske, et normalt og veks og blir sett ut att. Men det er nokså krevande med sjuke dyr. Det er ville dyr, ikkje eit husdyr. Men jammen har dei personlegheit desse også, og ein blir no så glad i dei!
Og det er utruleg deilig kjensle å få hjelpe dei til å blir friske og sterke, og sjå dei vaggar avgarde med piggerumpene sine ut i naturen igjen, der dei høyrer heime.