Gla'påske

Hei hei! Da er påska vel overstått, og det lille av påskepynt må vel pakkast ned.

Alltid litt vemodig å pakke vekk Eggbert!

Fann ein så tøff plass til han i år, så synes eigentleg han berre kan få sitje der.

Påskeferien i år har vore lang, sidan eg faktisk har teke ferie i dagane mellom palmesøndag og skjærtorsdag. Og det har vore godt det.

Dagane har starta med ein god og lang frukost, og sola har skint med jamne mellomrom også. Så det vart rett så påskete av og og til.  

Vi har derimot ikkje vore på skitur. Det har vore for lite snø til det, der The Rotevatns brukar å gå. Vi held oss i "lavlandet" og i skogen, og det er sikkert tryggast både for oss sjølv og andre.

Det var likevel mykje folk i både skitrekk og i skiløyper elles. Men eg likar ikkje å "gå på ski i kø"...

 

Eg var derimot ein tur på Vatne og i Brattvåg, og besøkte min gode familie!
Og no MÅ eg få med fotokamera snart, for eg gløymer jo heilt å ta bilete når eg er på tur! Har eg det med så tek det plass, og då kjem eg på det også!

Men eit "selfie" frå Snapchat fekk eg no sjølvsagt med!

Eg tok faktisk BUSS heilt fra Volda til Brattvåg. Det er ikkje noko pes det, for "normale" folk, men for meg er det verkeleg ei bragd, utan å gå nærmare inn på det akkurat no.
Eg kom meg i alle fall heilt fram! OG tilbake!
Og det var kjempekjekt å treffe alle igjen!

 

*********************

Eg fann ein artig ting på nettet, der ein kunne lage påskeegg-pynt med serviettar. (Eg og dei serviettane!) Det er meininga å blåse ut innhaldet i eit rått egg, pynte dei og henge dei opp.

Men eg synes det var unødvendig med "henge-egg-pynt" så eg ville prøve å pynte kokte egg i staden. Tenkte det kunne vere litt koseleg for Rune å få pynta egg til frukost 

Dette er det du treng. Ja, i tillegg til kokte, avkjølte egg.

Klipper berre ut det motivet ein vil ha, og tek av kun det ytterste laget på servietten.

Så bruker ein eggekvite av 1 egg til å feste det på egget.

Ein legg serviettmotivet på egget, og så bruke ein pensel til å klisje eggekvite over. Då set det fast!

Eg brukte berre fingrane, sidan eg ikkje hadde pensel. Gikk bra det også!

Vart no litt koseleg dette!? Veldig enkelt!

Rune trudde det var kjøpt påskeegg som berre var pynteting. Det var no eit godt skusmål!

Var no litt artig å ete dei slik! Nesten litt synd, men det var jo meininga at dei skulle etast!

Har ingen naturfoto av påska, det var det nok av på facebook. ;)