What's happenin' with The Rotevatns?

Sidan sommar og varme dagar  frå midten av april og til "hausten" kom att i mai, så har det no i grunnen skjedd både mykje og lite hos The Rotevatns.

Vi har eit naust!

Vi eig eit eit stort område i Vikebygda som i dag berre er attgrodd skog. Der er mykje ved, og vi skulle kike på moglegheitene for skoging. Gjekk ned til vatnet, og der stod det eit gamalt naust med ein holete båt inni som vi eig! Tenk å ikkje vite om dette? Berre skrot, men moro lell!! Vi eig no eit naust ved Rotevatnet! Kult! :)

Verandaen får seg nymåla golv og sydentre! 

Verandaen vår vart bygd i juni i fjor, og når det var "sommar" i april med 20 grader og opphald tok The Rotevatns føre seg verandagolvet! Vasking og rensing, men busta reiste seg på golvet og vi måtte slipe det ned. Så var det berre å vaske igjen, og så var det berre å vente på det tørka. Fru Rotevatn kjøpte eit "nordens palme"-tre til Hr. Rotevatn. Den kalla han enkelt og greit for "Rune". Den er litt som han: Trivs best med varme og sol, og rikeleg med vatn. Og så går den i dvale om vinteren! :) Den kan forresten bli 2.5 meter høg!!

Og slik vart golvet: SHIMMER GRÅ heiter fargen.

Legg merke til at alt er trykka inn til veggen pga all øs-pøs-regnet som heile tida plaska ned for tida. :( Eg tok bilete i eit oppletta augenblink! "Rune" trivst med mykje vatn, men må stå litt i le for regnet innimellom. Dette treet er eit lysglimt i triste regnversdagar med 12 grader og sur vind!

17. mai

"17. mai er vi så glad i!" Ja, det er vi, men vi er også veldig glad i kvarandre! <3 Dagen vart feira med middag ute på "Hamna", og så kosa vi oss med eit par bobler i glaset etterpå. Nice! PS: Vi gjekk ikkje i tog! Det regna jo som vanleg!!

 

Søtt, godt og bittert!

Søtt: "sommarfuggel i vinterland" Slik er det når ein kjenner seg som sommar og bur i vinterland. Hmfr...! Søt er den da, og kjekt å sjå på den! Desse heng på gardinene mine, og har gjort det sidan mars, og fru Rotevatn har sidan då lengta etter sommarland! Eller... "Alice in Wonderland"?

Godt: Og når det bles, regna og er kaldt ute, så er min lille Piccolo, eller Pingvinen min, ei god trøst. Mamge gode kaffikoppar frå denne! Mmmm...

Bittert: Og siste nytt: Ein kar rygga på vår parkerte bil, og vi fekk ei saleg skrape og ein diger bulk. Stakars bilen vår! Den har gått gjennom så mykje i 2011, men dette var heldigvis ikkje bilen sin feil, eller eigarane sin! Men den skal snart bli reparert!

I skrivande augenblink er det søndag, opplett, og fuglane kvitrar. Men Yr og Storm melder om regn, regn og øs-pøs-regn. Men det er lov å drøyme om sol sjølv om det er vanskeleg å få draumane oppfylte!
For now: 
"Thats all folks"