Julekaker

Eg fekk eit infall (eller anfall?) i slutten av november, og skulle plutseleg lage nokre julekaker.

Det var ein søndag eg kjeda meg, og etter å ha snakka med søstera mi som hadde baka 3 sorter julekaker, så sjekka eg kjøkkenskapa og fann ut at eg hadde ingredienser til 2 slag!

Tenk at eg hadde bakepulver, vaniljesukker og kakao?! Utruleg!
Eg kunne no ikkje vere noko dårlegare julebakar enn ho (?) så eg sette igong.

Men desse to kakene er etter mormors og mammas oppskrifter

"Vaniljehorn" (ikkje gjærbakst, men julekaker)

Desse er utruleg gode! Og ekstra gode med melis og strø til pynt! Skal eigentleg vere farga strø, men eg hadde berre brun-farga strø. Men det fungerer det også! Gode var dei!

Til og med Rune som ikkje likar noko form for kaker gjekk og forsynte seg med 1 stk heilt utan at eg tvang han til det!

"Silkekaker" (sjakkruter)

Dette er jo ein slager!

Eg steikte dei litt for lenge, for eg gløymte litt at dei er mjuke når dei blir tekne ut og ettersteiker seg på plata. Pluss at eg velta dei over på rista før dei hadde avkjølt seg, så nokon knakk...

Men, det skal no MINST vere EIN julebakst som ikkje blir vellykka vel?

Gode på smak er dei dog likevel! Og så kan ein ete dei mislykke undervegs.

Alltid best med kaker etter mormors og mammas oppskrifter!