Julaften feira vi i Ålesund hos svigermor Kari, og det var ei kjekk og roleg julefeiring. Med tre vaksne vart det likevel mange pakkar og stor glede over alt det fine vi fekk. Det blåste opp om kvelden, men det gjekk over. Var vel ei lita åtvaring for kva som var i vente.
1. juledag reiste The Rotevatns innatt til volda. Kom hit i 16 tida, og Rune jogga ein tur før han byrja på middagen. (Ja, han er kokken i familien)
Når kl var 19 så blåste det skikkeleg opp, og straumen gjekk i ny og ne. Det vart berre verre og verre! Det tok skikkeleg tak i huset, og det store vindauget vårt i stova bula innover til det tok borti lysestaken som stod nokre cm frå glaset i utgangspunktet!
Eg var livredd!
Rune måtte ut og flytte ein tretopp som hadde knekt ved vegen, og fekk hjelp av stormen i det den LØFTA tretoppen over steingarden medan han drog i den! Eg var fortsatt livredd.
Så hadde vi verken internett, straum eller telefonlinje!! Heilt isolert! Stupmørkt ute, og det ula, storma og drog i huset.
Vi har ei enorm bøk rett ved huset, med fallretning rett i taket. Eg var livredd.
I tillegg har vi ca 10 store grantre langs vegen og husa, og andre tresortar. Over 100 år gamle...
Når det endeleg roa seg i 01.00 tida måtte vi ut og sjå med lommelykt om det var noko skadar på husa, vedskjulet/garasja eller løa.
Det var litt av eit skremmande syn som møtte oss der i mørket!!
Eg tok bilete av skadane om morgonen 2. juledag i 10 tida:
Dette rotveltet var det største, med 3 stk STORE grantre, OG ein bil oppå. Bilen stod parkert på vegen ved siden av trea. Ikkje vår bil, men leigebuaren vår sin. Mange har sett dette biletet i aviser, nettaviser og på tv, for det vart mykje omtale om denne hendinga i media!
Det rare var at det ikkje vart noko skade på bygningar!!
Den store bøka i fallretning huset vårt står enno, men det har vore rørsler i rota... NO SKAL DET SAGAST NED EIN GONG FOR ALLE!!
No er det berre å vente på takstmann, gravemaskiner og proffe folk som skal fjerne rotvelta og dei andre trea...
Ingen kommentarer:
Legg inn en kommentar